أسرار نجاح حلويات العيد مع الشيف أسامة السيد

كلنا بنحب حلويات العيد لكن لما بنعملها بنفسنا كتير مش بتظبط معانا بس الشيف أسامة هيقولنا على أسرارها و هيوضحلنا الفرق بين أنواع الدقيق و كمان المواد الدهنية و الروافع اللي بنستخدمها عشان تنجح و تبقى زي الجاهزة بالظبط 

1 - نوع الدقيق :

لازم نستخدم للحلويات الدقيق متعدد الأغراض و ممكن كمان نستخدمه في المخبوزات لكن مينفعش نستخدم الدقيق الخاص للعيش و البيتزا في الحلويات 

2 - المادة الدهنية :

السمنة و الزيت مفيهمش اي سوائل , فيهم دهون بس لكن الزبدة فيها 20 % مياه و دي بتساعد الوصفة انها تكون طرية و ما تتحمرش 

3 - الروافع : 

من الافضل استخدام البيكنج بودر و بلاش  المحسن لانه بيدخل كمية كبيرة من الهوا لكن البيكنج بودر و الخميرة و الكربونات مع البيكنج صودا مواد طبيعية و ممكن بدل المحسن تخفقي البيض كويس جدا عشان يدخل هوا

4 - كريمة الخفق :

مش لازم تتخفق كتير لانها فيها نسبة دهن و لما بتتخفق زيادة بتفصل السوائل ( لبن رايب ) عن الدهون ( زبدة ) 

اول ما تبدأ تتماسك نضيف عليها شوية سكر بودرة و كمان كريمة الطهي ممكن نعمل منها جناش و نسيح معاها شيكولاتة

تعرفي على تفاصيل كل نوع من أنواع حلويات العيد 

1 - الكحك : 

الكحك لازم يكون ناعم من جوه و عشان الحشوة ما تنشفش نقفل العجينة كويس جدا على الحشوة لان الحرارة هتنشفها و تسحب كل السوائل اللي فيها و كمان لازم نستخدم ريحة الكحك لانها الحاجة اللي بتميزه و هي عبارة عن ( محلب مع ينسون أو شمر )

شوفوا مقادير و طريقة تحضير الكحك من الشيف أسامة بالتفصيل من هنا http://goo.gl/XydzbB

2 - المعمول :

المعمول مختلف عن الكحك و بيكون انشف من الكحك لانه فيه دقيق سيمولينا بس لازم نستخدم نوع يكون ناعم و كمان نسيب العجينة ترتاح 3 ساعات بعد اضافة الزبدة او السمنة عشان يطلع طري 

شوفوا مقادير و طريقة تحضير المعمول من الشيف أسامة بالتفصيل من هنا http://goo.gl/boSYGM

3 - الغريبة :

الغريبة لازم تكون ناعمة جدا عشان كده بنستخدم لها  سكر بودرة لان في خصائص مختلفة عن السكر العادي و افضل نستخدم زبدة لان نسبة المياه بتخليها انعم و بتساعد انها تحافظ على لونها الابيض

شوفوا مقادير و طريقة تحضير الغريبة  من الشيف أسامة بالتفصيل من هنا http://goo.gl/Yrc21q

4 - بسكويت النشادر : 

النشادر هي الامونيا لكن لازم نكون واثقين من مصدرها و انها صالحة للاستخدام و النشادر ملهاش بديل 

شوفوا مقادير و طريقة تحضير الغريبة من الشيف أسامة بالتفصيل من هنا http://goo.gl/zxk50Y

5 - البيتي فور في منه نوعين نوع بيكون ناعم و في نوع تاني انشف شوية بيكون من عجينة السابليه 

شوفوا مقادير و طريقة تحضير البيتي فور و السابليه من الشيف أسامة بالتفصيل من هنا http://goo.gl/1giMbf  | http://goo.gl/b78VHw

و تقدروا تشوفوا كل وصفات الشيف أسامة من خلال الضغط على الرابط http://goo.gl/diAZfY

5 حيل لزيادة كمية اللحمة في العزومة أسرار الحلواني لعمل «المدلعة» في البيت تكات تحضير أرز «حبة وحبة» من غير ما «ينشف» سبب «كمكمة» الغسيل في الصيف