الترددات

نايل سات : التردد 11488 أفقي 5/6

CBC Channels

  1. الرئيسية
  2. أخبار سفرة
أسرار نجاح المربى من اميرة شنب
أسرار نجاح المربى من اميرة شنب

أميرة شنب بتقدملك المربى بطريقة ناجحة و كمان صحية من غير مواد حافظة أو مكسبات طعم أو ألوان صناعية , و طعمها زي الجاهزة لكن مدة حفظها أقل من الجاهزة عشان كده اعملي كمية صغيرة و احفظيها في الثلاجة 


- تغسل الفاكهة كويس جدا و تتقطع حسب الرغبة ( لو عايزة المربى من غير قطع قطعيها صغيرة و لو عايزة قطع الفاكهة تكون ظاهرة في المربى قطعيها متوسطة و لو عايزاها كريمي بعد ما المربى تستوي اضربيها في الكبة )


- الفاكهة لازم تتنقع في السكر من بالليل للصبح في الثلاجة في نفس الحلة اللي هتتعمل فيها و لكل كيلو من الفاكهة كيلو من السكر لمذاق مسكر و كيلو الا ربع سكر لمذاق وسط و ربع كيلو سكر لمذاق قليل فى السكر


- حطيها على النار تاخد غلوتين او تلاتة لكن قبل ما تقلبيها شيلي الرغوة اللي هتتكون على الوش


- ضيفي الجيلاتين ( لو بودرة يدوب في مياه ساخنة و يضاف , و لو الجيلاتين الالواح يسيح في مياه و بعد كده يتحط في مياه دافية و يتصفى و يضاف للمربى ) و الجيلاتين بيضاف لتماسك المربى و حفظ المربى لفترات أطول مع التحكم فى نسبه السكر و ممكن تستبدليه بعصير الليمون و لكن الليمون لا يؤدى نفس فائدة فترة حفظ المربى


- عشان تعرفي المربى استويت و لا لا حطي نقطة من المربى على طبق في درجة حرارة الغرفة و اتأكدي انها هتفضل متماسكة و بنفس حجمها 


- البرطمان اللي هتحفظي المربى فيه لازم يكون معقم بالغطاء في مياه بتغلي مع معلقة خل او عصير ليمون و بعد كده طلعيه على فوطة نظيفة و سبيه ينشف تماما و أهم حاجة سبيه يبرد و المربى تكون باردة قبل ما تحفظيها في البرطمان و كمان لازم عند غلقه ميكونش في مسافة كبيرة بين البرطمان و غطاه  و احكمي غلقه .


شوفي أنواع المربى المتنوعة لأميرة شنب من هنا 


انضم الى المحادثة

مكاييل و موازيين

ايه أكتر وصفة بتفضلوها للبطاطس ؟
  1. مقياس الوزن و السعرات الحرارية
النتيجة